عن تفاوت الاجيال ... عن حديث رامى ناجى و نقيب المهندسين الاخوانى اكتب

 الشريك المخالف و نظرية خالف تعرف ... احنا جيل الامجاد و العظماء انت مين يا عيل 

رامى ناجى مهندس كهرباء اتصالات كلية الهندسة جامعة الاسكندرية خريج 2012 و الاول على الكلية سنة 2012 بمجموع محترم جدا 94.56%. اعرفه شخصيا و قد درست له فى السنة الرابعة مادة عمارة الحاسب و هو من الطلاب النوابغ الذين يُشعروك بالفخر 
...حينما تدرس لهم

كلمة رامي ناجي - أول هندسة اسكندرية - فى حفل التخرج 2012

اُرسلت له دعوة من نقابة المهندسين لتكريمه فى يوم المهندس المصرى فى حفل يحضره الطرطور مرسى الزناتى... كل ما فعله رامى انه قرر انه لن يحضر لان الزناتى فاقد الشرعية منذ سال دم اطهر الشباب فى عهده و منذ اعلانه الدستور الجائر "انا ربكم الاعلى" ... رامى اعلن ده على فيسبوك .. رسالة لاصدقائه و ختمها برسالة يسقط يسقط حكم المرشد ...فقرر الاعلامى وائل الابراشى ان يستضيفه ليعرف موقفه و يقدره لانه صاحب موقف سواء اختلفنا او اتفقنا معه ...

العاشرة مساءً - لقاء مع طالب كلية الهندسة الذي رفض تكريم الدكتور محمد مرسي له 

رامى صرح انه رافض و غير معترف بالزناتى و انه فاقد للشرعية وان تكريم الدولة على رأسه من فوق و لكنه لا يستطيع ان يٌصافح من تلطخت يده بدم الشباب و من اعلن اعلانات غير دستورية ليحصن نفسه...

 ادهشنى مداخلة السيد ماجد خصوصى  -عفوا خلوصى- النقيب العام الاخوانى الخصوصى  باسلوبه البارع الذى يثبت فعلا ان هناك فجوة بين عقول الشباب و عقول امثال هذا الخصوصى

الخصوصى فى اول الامر اتبع اسلوب التقليل من الخصم و موقفة باسلوب طفولى ساذج ... انت ازاى انت يا صغير يا اللى لسه متخرج تأخد موقف مخالف لشيوخ و استاذة الهندسة ...

كان يتحدث كأنه هو الصح المطلق و ان اى رأى مخالف لذلك هو خطأ ... على مبدأ ان الكبير ديما صح ... على مبدأ القولبه و ان اللى جاى لازم يبقى زى اللى فات .. لو لم يتخذ جاليليو موقف مخالف لسابقيه لظللنا نظن ان الارض مركز الكون و ان القمر مسطح و . غيرها من خرافات السابقون... لو لم نختلف مع شيوخ مهنتنا و سلكنا نفس الدرب و افكارهم عاما فسنصل لنفس نتائجهم و لا تطوير 

مش هعيب عليه لان اننا احنا الدولة الوحيدة اللى لسه عايشة فى الماضى و مبنعملش حاجة للحاضر و لا المستقبل ... تفكير عقيم ان الاجيال الجديدة فاسدة و كأننا نشأنا و تربينا على ايدى مريخيون و ليس هذا الجيل الذى منه الخصوصى

تفكير عقيم انه الوحيد و جيله و شيوخه هم اللى بيفهموا و كأن العلم توقف عند الشيوخ قليلى الحيلة عديمى الابحاث فى الجامعات إلا من رحم ربى... تفكير عقيم ان اى موقف مخالف للشيوخ او السابقون هو خاطىء...  

أكمل ...

الريس اصلا مش جاى يكرمك انت ده جاى يكرم عدد كبير غيرك و من يستحقون التكريم  ... انت مين اصلا ثم ايه اللى يأكد انك مدعو للتكريم اصلا

سياسة خالف تعرف .. سياسة الشريك المخالف ... عاوز اشوف حد بعتله دعوة و لا لأ ... لو عاوز تعرف هو مدعو للتكريم و لا لأ اسأل المنظمين الموظفين عندك يا بيه ماشى ...

انا مش هتكلم عن رد رامى و انه عرف يرد لدرجة اجبرت الخصوصى على احترام رأيه و وجهه نظرة

انما انا كل اللى فاقعنى ان الجيل الفاسد اللى عاش ايام مبارك و وصل بالبلد للمصايب السودة دى بيقلل من جيل الشباب اللى هما اصلا هيبنوا البلد ده لو بقى فى بلد اصلا ...

بيتعامل باسلوب ان مفيش صغير فذ و ان الكبار افذاذ و احنا مهما عملنا مش هنبقى زيهم .. اسلوب القرون الوسطى فى مواجهة اى ابداع او تفكير جديد

لو ان العالم كله كان يُفكر بهذه الطريقة لما تقدم العلم خطوة و لكن اين نحن من العالم ..نحن مازلنا نعيش فى ظلمات القرن الثانى عشر فى اوروبا و محاكم التفتيش الاخوانية

سوف نظل نعيش فى تخلفنا طالما اقتنعنا ان الاجيال القادمة ستظل اقل ... نحن نعيش لنخلق اجيال اقوى تصنع مستقبل افضل .. جيل خصوصى  و امثاله فى التفكير هما اللى مسكوا البلد قبل و بعد الثورة و بيتريقوا علينا اللى عملنا الثورة ... الثورة ستنجح يوم نرى الشباب هما قيادة الدولة  ...  لن نسير فى القطيع يا سيادة النقيب ... الكلام لم ينتهى ... شكرا 

فيكتور زخارى 

1-4-2013